1521

About the Artist: Profile:

Taong 2006 buwan ng Agosto ng nabuo ang banda sa mga katauhan nila Roderick, Sunny, Maztadon at Celso. Unang nakilala sa pangalang SWEET EMOTION at ginawang ZERO TO HERO sa kadahilanang may nagmamay-aari na sa una. Nag-umpisa sila sa pakober-kober lang, mga pinoy alternatibong musika nung dekada '90, mga awiting
pinasikat ng bandang gaya ng TEETH, DRONE, YANO, ERASERHEADS, THE YOUTH, SIAKOL, etc...at iisa pa lang ang kanilang orihinal na musika nung taong iyon at ang awiting iyon ay "MANDHID". Buwan ng Setyembre taong 2006 nung isinama ni Roderick si Pogz
Mandapat sa kanilang ensayo at pinakilala sa mga kabanda, isinalang sya sa Baho at naging myembro nung araw din iyon. Buwan ng Oktubre taong 2006 pinalitan ang pangalan sa 1521 na pinagdesisyunan nila Sunny at Rod at sinang-ayunan nila MaztaDon at Jez sa kadahilanan naman na ang ZERO TO HERO ay tunog HARDCORE at hindi angkop sa bagsakan ng banda, Buwan ng Nobyembre taong 2006, unang tugtugan at unang sab!
ak ng 1521 sa TRIBAL CAFE. Hindi nakasama si Roderick dito sa kadahilanang sya ay naaksidente at si Jez ang itinalaga bilang bokalista. Pagpasok ng taong 2007,
umalis si Celso sa Banda dahilan sa kanyang abalang talatakdaan. Buwan ng Enero taong 2007, rumesbak ang 1521 sa TRIBAL CAFE (AKUSTIK) at isa sa kanilang kober ay ang NARDA na pinasikat ng KAMIKAZEE. Hanggang sa lumaon ay naging sunod-sunod na
ang kanilang tugtugan at may mga orihinal na mga kantang gawa, mga awiting komposisyon ni Roderick Matias na inayos ng bandang 1521. Pinapakilala sina Armer Amante at Tonyo Verdejo bilang bagong kabanda ng 1521. Sa ngayon ay meron din silang sesyonista sa katauhan ni Macoy ng Bandang APT. 92. Ang Bandang 1521 ay isang POP PUNK KANTONG BANDA at ang kanilang MUSIKA ay tinatawag na POP PUNK BATONG ALTERNATIBO, isang kalugod-lugod na himig. Ang 1521 ay isang simpleng banda na base sa Timog Kalipornya. 1521, BANDANG PINOY, MGA MYEMBRO'Y PURONG PINOY, TUBONG PINAS, LAKI SA MGA TUGTUGING DEKADA 90 AT NGAYON ANG KANILANG TUGTUGAN AY PURONG PINOY ! ALTERNATIBONG BATO!!! TAMANG PANLASANG PINOY!!!